Trump: Irani përbënte një kërcënim të qartë dhe kolosal

Presidenti i SHBA-së, Donald Trump, ka deklaruar të hënën në Ëashington se SHBA-ja vazhdon të kryejë “operacione luftarake në shkallë të gjerë” në Iran, për të eliminuar siç ka thënë kërcënimet që paraqet regjimi iranian.

Ai ka thënë gjatë një ceremonie në Shtëpinë e Bardhë se Irani i injoroi paralajmërimet e SHBA-së dhe “refuzoi të ndalonte ndjekjen e armëve bërthamore”.

Trumpi ka shtuar se Irani “nuk mund të vazhdojë të armatosë, financojë dhe drejtojë ushtri terroriste” në të gjithë Lindjen e Mesme.

Sipas tij, programi i raketave i Iranit kishte për qëllim të mbronte zhvillimin e armëve bërthamore.

Trumpi ka thënë më tej se megjithëse SHBA-ja ishte vendi që donte që kjo të ndalej, “të gjithë ishin pas saj”.

Edhe Botë 4 muaj më parë Trumpi thotë se “vala e madhe” e sulmeve ndaj Iranit s’ka nisur ende

Presidenti amerikan ka shtuar se një regjim iranian i armatosur me armë bërthamore dhe raketa me rreze të gjatë veprimi do të ishte një “kërcënim i papranueshëm” për Lindjen e Mesme, si dhe për popullin amerikan.

Trumpi ka thënë po adhtu se objektivat e operacionit në Iran janë “të qarta”, duke përfshirë “shkatërrimin e kapaciteteve raketore të Iranit” dhe “asgjësimin e Marinës së tyre”, përveç parandalimit që ata të kenë ndonjëherë armë bërthamore.