Shefi i Agjencisë së Inteligjencës së SHBA-së (CIA) është takuar të hënën në Kabul me liderin e talebanëve të hënën, kanë njoftuar burime për mediumet amerikane.
Lajmi nuk është konfirmuar as nga talebanët e as nga CIA, për takimin mes William Burnsit dhe Mullah Baradarit.
Presidenti i SHBA-së, Joe Bidn, e ka vendosur datën 31 gusht si afatin përfundimtar për tërheqjen e forcave amerikane nga Afganistani. Aleatët – përfshirë edhe Britaninë e Madhe – duan të zgjatet ky afat.
Forcat amerikane janë në Afganistan që nga viti 2001, pas sulmeve të 11 shtatorit.
Burime për mediumet amerikane, përfshirë New York Timesin, Washington Postin e agjencinë Associated Press, kanë njoftuar për takimin mes CIA-s dhe talebanëve.
Por, janë dhënë shumë pak detaje.
Nëse konfirmohet, ky është takimi i nivelit më të lartë mes SHBA-së dhe talebanëve që kur militantët morën Kabulin më 15 gusht.
Edhe
Talebanët kundër zgjatjes së qëndrimit të trupave amerikane në Afganistan
Rreth 5800 trupa amerikanë janë duke garantuar për sigurinë në aeroportin e Kabulit, ndërsa mijëra shtetas të huajë dhe afganë po tentojnë të largohen nga vendi.
Washington Post thotë se në diskutime me gjasë është folur për afatin përfundimtar për largimin e forcave amerikane.
Të martën, talebanët kanë thënë se nuk do të lejohen që afganë tjerë të largohen nga shteti, e as nuk do të zgjatet afati i tërheqjes së trupave amerikanë.
Mullah Baradar është një nga katër burrat që kanë themeluar Talebanin në vitin 1994. Ai u arrestua në një operacion të përbashkët SHBA-Pakistan në vitin 2010 dhe kaloi tetë vjet në burg.
