Një shtetas britanik 22-vjeçar është arrestuar nën dyshimin për përgatitje të akteve terroriste, në lidhje me një incident pranë bazës ajrore RAF Fairford, raporton BBC.
Policia kundër terrorizmit tha se i riu u arrestua të martën në Westminster të Londrës, si pjesë e hetimeve për incidentin e muajit të kaluar pranë bazës në Gloucestershire.
Ky është personi i shtatë i arrestuar në lidhje me rastin. Gjashtë personat e tjerë janë liruar me kusht, në pritje të hetimeve.
Policia shpalli situatën si incident madhor dhe evakuoi dhjetëra banesa, pasi u njoftua për tre automjete të dyshimta pranë bazës ajrore.
Koordinatorja kombëtare për luftën kundër terrorizmit, Vicki Evans, tha se hetimi vazhdon dhe se policia po ndjek disa pista.
Edhe
Britania akuzon dy burra për ndihmë ndaj Iranit në incidentin e RAF Fairford
Pesë burra të tjerë ishin arrestuar më 27 shtator pranë bazës, por më pas u liruan me kusht nga policia.
Ndërsa më 1 tetor, në Westminster u arrestua edhe një 25-vjeçar me shtetësi të dyfishtë iraniane dhe britanike. Edhe ai u lirua më vonë me kusht.
-
Njëri nga pesë të arrestuarit nën dyshimin për komplot me bombë në Britani kishte lajmëruar policinë
-
Britania liron me kusht pesë të arrestuarit për komplot me bombë pranë bazës amerikane
-
Pesë të arrestuarit për komplot të dyshuar afër bazës amerikane janë shtetas britanikë
-
Britania po heton një lidhje të mundshme me Iranin pas arrestimeve pranë bazës amerikane