-
Përktheu:
Flutura Gashi-Mehmeti
- 24 qershor 2025 17:51
- Shpërndaje në:
Presidenti amerikan, Donald Trump, ka shpërndarë në “Truth Social” pak para samitit të NATO-s që nis të martën në Hagë, një grafikë ku paraqiten shpenzimet e anëtarëve të aleancës për mbrojtjen.
Sipas grafikës, SHBA-ja është gati të arrijë në 1 trilion dollarë shifrën e shpenzimeve.
Trumpi ka paralajmëruar se do ta diskutojë këtë me anëtarët e NATO-s.
“Shtetet e Bashkuara janë gati te 1 trilion dollarë — Kjo është e pabesueshme! Do ta diskutojmë së shpejti me anëtarët e NATO-s”, ka shkruar Trumpi në rrjetin e tij social.
Grafika po ashtu tregon se Polonia është anëtari me përqindjen më të lartë të shpenzimeve për BPB të saj, për mbrojtje, duke arritur në 4,12%.
Ndërkaq, shteti me përqindjen më të ulët është Spanja me 1.28%.
E Shqipëria ndodhet te 2.03% shpenzime për mbrojtjen.
Udhëheqësit e NATO-s pritet të bien dakord këtë javë që vendet anëtare duhet të shpenzojnë 5% të produktit të tyre të brendshëm bruto për mbrojtje, me përjashtim për shtetin spanjoll.
Spanja ka arritur një marrëveshje me NATO-n për t'u përjashtuar nga objektivi i shpenzimeve prej 5% të PBB-së, ndërsa presidenti Donald Trump ka thënë se shifra nuk duhet të zbatohet për Shtetet e Bashkuara, vetëm për aleatët e saj.
