Mes tensioneve që Tajvani ka me Kinën, SHBA-ja do t’i shesë armë në vlerë 500 milionë euro

Administrata Biden ka aprovuar shitjen e armëve në vlerë 500 milionë dollarë Tajvanit, teksa rrit ndihmën ushtarake për ishullin pavarësisht kundërshtimeve të ashpra të Kinës.

Departamenti i Shtetit ka thënë se ka nënshkruar marrëveshjen për shitjen e sistemeve të gjurmimit dhe pajisjet për avionët luftarakë F-16.

Edhe pse kjo marrëveshje është modeste në krahasim me shitjet e kaluara të armëve, kjo e fundit ka gjasa të ngreh kritika edhe më të ashpra nga Pekini, raportoi AP.

“Shitja e propozuar do të përmirësojë kapacitetin e pranuesit për të përballuar kërcënimet aktuale dhe të ardhshme duke kontribuar në aftësitë e pranuesit për të mbrojtur hapësirën e tij ajrore, të ofrojë siguri rajonale dhe të rrisë ndërveprimin me SHBA-në përmes programit të saj të F-16”, ka thënë Departamenti.