Kina ka paralajmëruar Shtetet e Bashkuara të Amerikës se do të marrë "kundër-masa" pasi administrata e Bidenit miratoi më shumë se 1.1 miliardë dollarë shitje të armëve Tajvanit.
Zëdhënësi i Ambasadës kineze, Liu Pengyu, tha të shtunën se Kina është "fuqishëm kundër" shitjeve, të cilat "rrezikojnë rëndë marrëdhëniet Kinë-SHBA dhe paqen dhe stabilitetin në ngushticën e Tajvanit" dhe i bëri thirrje Washingtonit që t'i "revokojë menjëherë" ato, raportoi CNN.
Komentet e Liu në Twitter erdhën pasi administrata Biden njoftoi zyrtarisht Kongresin për shitjet e propozuara.
Departamenti i Shtetit tha se shitjet janë në përputhje me një politikë të gjatë të SHBA-së për ofrimin e armëve mbrojtëse për ishullin dhe e përshkroi "sigurimin e shpejtë" të armëve të tilla si "thelbësore për sigurinë e Tajvanit".
Kina, megjithatë, ka akuzuar SHBA-në për ndërhyrje në atë që e sheh si punët e saj të brendshme.
Partia Komuniste e Kinës pretendon Tajvanin, një demokraci vetëqeverisëse, si pjesë të territorit të saj – pavarësisht se nuk e ka qeverisur kurrë – dhe është zotuar prej kohësh të “ribashkojë” ishullin me Kinën, me forcë nëse është e nevojshme.
“SHBA-ja ndërhyn në punët e brendshme të Kinës dhe minon sovranitetin dhe interesat e sigurisë së Kinës duke i shitur armë Tajvanit”, shkroi Liu në Twitter.
