Kongresi amerikan ka anashkaluar veton e presidentit Donald Trump për projektligjin për Mbrojtjen, si veprimin e parë të tillë që e bënë që kur ai mori postin katër vjet më parë.
Në një seancë të jashtëzakonshme në vitin e ri, Senati i kontrolluar nga partia e Trumpit, ajo Republikane, e anashkaloi lehtë veton.
Trumpi ia vuri veton projektligjit javën e shkuar duke thënë se dëshironte ta bllokonte sepse donte të anulonte mbrojtjen nga paditë ligjore që gëzojnë kompanitë e rrjeteve sociale. Ai kundërshtoi edhe klauzolën për të ndryshuar emrat e bazave ushtarake që kujtojnë gjeneralë që luftuan në emër të Konfederatës gjatë Luftës Civile.
Ligjvënësit me këtë i kanë dhënë goditjen e fuqishme Trumpit, që është pak ditë para përmbylljes së mandatit.
Në Senat rezultati kundër Trumpit ishte 81:13.
Projektligji, i cili përfshin një numër klauzolash për politikat e mbrojtjes dhe një rritje rroge për trupat amerikane, është miratuar pa probleme çdo vit që nga 1961. Vlera e tij ishte 740 miliardë dollarë.
-
Senati miraton 70 miliardë dollarë shtesë për zbatimin e politikave të emigracionit të Trumpit
-
Senati shtyn para rezolutën me të cilën kufizon aftësitë e Trumpit për ta sulmuar Venezuelën
-
Me manovrën e paparë që 50 vjet, Trumpi ndalon ndihmat ndërkombëtare
-
Kriptovalutat i sollën Trumpit më shumë se 1 miliard dollarë të ardhura
-
Supremja hedh poshtë kërkesën e Trumpit për kufizim të shtetësisë nga lindja