Një gjykatë në Rusi ka vendosur që t’i zgjasë dënimin me arrest edhe për dy muaj tjerë një aktivisteje dhe modeleje e cila është akuzuar për minimin e sigurisë së shtetit pasi bëri thirrje për të mbledhur fonde për forcat ukrainase, gjë të cilën ajo e mohon, raporton AP.
Nadezhda Rossinskaya, e njohur gjithashtu si Nadine Geisler, u akuzua për “thirrje publike për aktivitete që cenojnë sigurinë e shtetit” pasi dyshohet se u kishte bërë thirrje ndjekësve të saj në rrjetet sociale për të dhuruar të holla për Batalionin Azov, i cili konsiderohet si organizatë terroriste në Rusi.
Rossinskaya është deklaruar e pafajshme para gjykatës në Belgorod.
Geisler është themeluese e “Army of Beauties”, një lëvizje vullnetare e grave që ka ndihmuar refugjatët ukrainas dhe ka shpërndarë ndihma humanitare për civilët në territoret e pushtuara nga Moska gjatë operacionit të tyre ushtarak, në shkurt të 2022-s.
Geisler u largua nga Rusia majin e kaluar, por u arrestua në fillim të shkurtit teksa u përpoq të rihynte në vend, njoftuan mediat ruse.
-
Rusia dënon 15 ushtarë ukrainas të zënë rob
-
Rusia ia zgjat edhe për dy vjet burgimin ish-bashkëpunëtores së Navalnyt
-
I mbijetoi për vite represionit politik në Rusi, deri kur në derë i trokitën burrat e maskuar
-
Ish - i burgosuri që humbi një këmbë për Rusinë thotë se vendi i tij e tradhtoi
-
“U mashtruam”: Gruaja që i joshi burrat e huaj të luftojnë për Rusinë