Një gjykatë në Rusi të martën ia ka zgjatur edhe për dy vjet burgimin e ish-bashkëpunëtores së opozitarit të ndjerë rus Alexei Navalny, raporton agjencia “AP”.
Lilia Chanysheva, që kishte drejtuar zyrën e Navalnyt në rajoin Bashkortostan, ishte dënuar me akuza për ekstremizëm, fillimisht me 7 vjet e gjysmë burgim. Gjykata Supreme e Bashkortostanit ia ka rritur dënimin në nëntë vjet e gjysmë burgim, ka njoftuar avokati i saj Ramil Gizatullin në platformën “Telegram”.
Seanca u mbajt e mbyllur për publikun.
Kremlini po vazhdon t’i shtypë aktivistët opozitarë, gazetarët e pavarur dhe kritikët e qeverisë.
Qindra po përballen me akuza për protesta dhe kritika ndaj luftës në Ukrainë dhe mijëra janë gjobitur apo burgosur për periudhë të shkurtër.
Edhe
Katër gazetarë që u akuzuan se punonin për Navalnyn, dënohen për ekstremizëm
Chanysheva u dënua për “thirrje për ekstremizëm, për formim të grupit ekstremist dhe themelim të një organizate që thyen të drejtat e njeriut”.
Ajo ishte arrestuar në nëntor të vitit 2021.
