Së paku 14 persona kanë vdekur dhe mijëra janë zhvendosur pas vërshimeve më të rënda që janë parë në Malajzi me dekada, raporton BBC.
Pas tri ditëve reshje të shumta shiu, u shkaktuan vërshime, në qytete e fshatra.
Qeveria është kritikuar se nuk ka lëshuar paralajmërime me kohë dhe ka reaguar ngadalë.
Ka frikë se numri i të vdekurve mund të rritet edhe më tepër pasi po vazhdojnë të gjenden trupa.
Të hënën, afro 51 mijë persona janë evakuuar nga shtëpitë e tyre. Shumica prej tyre janë nga Pehang në bregun lindor të gadishullit Malay, një nga shtetet që është goditur më së rëndi.