Disa shpërthime kanë goditur Ministrinë e Sigurisë në rajonin separatist moldav të Transnistrias, tha Ministria e Brendshme e këtij rajoni në kanalin e saj në Telegram.
Ministria tha se ndërtesa dukej se ishte goditur nga granatat apo raketat, por tha se askush nuk u lëndua.
Kjo vjen disa ditë pasi një gjeneral rus sugjeroi se Moska dëshiron të marrë kontrollin e plotë të Ukrainës jugore, duke i dhënë Rusisë qasje në rajonin separatist të Moldavisë, të cilin ajo e mbështet.
Ai tha se kishte "shtypje të popullsisë rusofolëse" në Transnistria, një pretendim i cili ishte bërë gjithashtu - pa prova - për ta justifikuar pushtimin e Ukrainës.
Ministria e Mbrojtjes e Ukrainës tha se incidenti ishte një "provokim i planifikuar" nga vetë Rusia për të futur "panik dhe ndjenja antiukrainase".
Një rajon i vogël separatist rusisht-folës, Transnistria kufizohet me Ukrainën nga perëndimi. Ajo pretendoi pavarësinë pas rënies së Bashkimit Sovjetik në një konflikt të përgjakshëm, por nuk njihet ndërkombëtarisht dhe zyrtarisht mbetet pjesë e Moldavisë, transmeton BBC.
-
Shpërthimet në Transnistria: A po përhapet lufta edhe në vende tjera?
-
Zyrtari i Transnistrisë fajëson Ukrainën për sulmin
-
Presidentja moldave thërret Këshillin e Sigurisë pas shpërthimeve në Transnistri
-
Shpërthime të tjera në rajonin moldav që kontrollohet nga rusët
-
Rusia thotë se jugu i Ukrainës do t'i japë qasje në rajonin separatist në Moldavi