Ushtria ruse ka thënë se marrja e kontrollit të rajonit jugor të Ukrainës do t'u sigurojë atyre një portë tjetër për në Transnistria në Moldavi, raporton të premten agjencia ruse e lajmeve Tass.
Raportet vijnë vetëm disa javë pasi shtabi i përgjithshëm i forcave të armatosura të Ukrainës tha se besonte se trupat ruse po grumbulloheshin në republikën e vetëshpallur të Transnistria dhe po përgatiteshin të kryenin "provokime" përgjatë kufirit.
Ukraina ka frikë se trupat ruse në Transnistria - të cilat besohet se numërojnë rreth 1,300, mund të hapin një front tjetër në luftë.
Por si Moldavia ashtu edhe autoritetet separatiste në rajonin e shkëputur e kanë mohuar këtë pretendim.
Ministria e Jashtme e Moldavisë tha se nuk kishte "asnjë informacion për të konfirmuar" mobilizimin e trupave, por ishte "duke monitoruar nga afër" situatën.
-
Ministri moldav: Fitorja e Ukrainës mund të çojë në daljen e Rusisë nga Transnistria
-
Shpërthimet në Transnistria: A po përhapet lufta edhe në vende tjera?
-
Ku është Transnistria dhe pse ka rëndësi?
-
Raportime për shpërthime në rajonin separatist të Moldavisë të mbështetur nga Rusia
-
Trupat ukrainase tërhiqen nga disa pozicione, shefi i ushtrisë flet për “përkeqësim të situatës”