Putini viziton Kurskun, për herë të parë që kur Moska pretendoi se e ka rimarrë

Presidenti rus, Vladimir Putin, ka vizituar Kurskun për herë të parë që kur Moska pretendoi se e kishte rimarrë plotësisht rajonin pas një inkursioni të befasishëm nga forcat ukrainase vitin e kaluar, raportoi të mërkurën agjencia shtetërore ruse e lajmeve TASS.

Putini është takuar me krerët komunalë në qytetin e Kurchatov dhe ka vizituar termocentralin bërthamor në Kursk, i cili aktualisht është në ndërtim e sipër, ka thënë Kremlini, sipas TASS.

Agjencia e lajmeve nuk ka raportuar se kur është zhvilluar vizita, raporton CNN.

Gushtin e kaluar Ukraina nisi një inkursion tronditës në Kursk, duke pushtuar me shpejtësi territorin në atë që ishte pushtimi i parë tokësor i Rusisë nga një fuqi e huaj që nga Lufta e Dytë Botërore.

Që atëherë, Rusia, me mbështetjen e ushtarëve të Koresë së Veriut, ka luftuar për të dëbuar forcat e Ukrainës nga kufijtë e saj, të cilat Kievi i mbante atje me synimin për ta përdorur atë si një mjet kyç pazaresh në çdo bisedë paqeje.

Putini ka pretenduar muajin e kaluar se forcat ruse kanë rimarrë Kurskun dhe ka thënë se ushtarët e Koresë së Veriut morën pjesë në luftimet për të rimarrë territorin në rajon.

Ndërkaq, Kievi ka këmbëngulur se trupat e tij po luftojnë ashpër për të ruajtur terrenin e tyre në territor.