“Putini synon kapitullimin e Ukrainës”, skenari amerikan për përfundimin e luftës

Instituti për Studime të Luftës ka thënë në një raport se ka informacione brenda hapësirës ruse se presidenti Vladimir Putin nuk është i interesuar për një zgjidhje të negociuar të luftës në Ukrainë, e qëllimi i tij thuhet se është “asgjë më pak se kapitullimi total i Ukrainës”.

“Zëra të shquar brenda hapësirës ruse vazhdojnë të theksojnë se presidenti rus, Vladimir Putin, nuk është i interesuar për një zgjidhje të negociuar të luftës në Ukrainë, që rezulton në ‘asgjë më pak se kapitullimi total i Ukrainës”.

Në raportin që u publikua të martën thuhet se edhe oligarku rus i lidhur me Kremlinin, Konstantin Malofeev, ka thënë se Putini “do të refuzojë secilin plan për negociata të paqes”, duke refuzuar edhe propozimin e presidentit të zgjedhur amerikan, Donald Trump.

“Malofeev pohoi se Kremlini do të marrë në konsideratë negociatat e paqes me administratën e re vetëm nëse Trumpi ndryshon politikën e SHBA-së, që lejon Ukrainën të përdorë armë me rreze të gjatë, të siguruara nga Perëndimi për të qëlluar Rusinë”, thuhet në raportin e Institutit.

Duke cituar intervistën e Malofeevit për “Financial Times”, Instituti përmendi edhe faktin se Putini s’ka interesim për negociata “pavarësisht se kush i ndërmjetëson ato”.

Presidenti ukrainas, Volodymyr Zelensky ka thënë se rimarrja e pjesëve të territorit ukrainas mund të duhet të arrihet me mjete diplomatike dhe jo me forcë ushtarake.

Edhe Botë 3 sht 2026 Putini përmend mundësinë e një marrëveshjeje paqeje me Ukrainën

Në një intervistë me agjencinë japoneze të lajmeve, Kyodo Neës, Zelensky ka deklaruar se është e vështirë të rimarrë me forcë disa nga pjesët e pushtuara ruse të vendit të tij, duke përfshirë gadishullin e Krimesë që Rusia aneksoi nga Ukraina në vitin 2014.

“Ushtrisë sonë i mungon forca për ta bërë këtë. Kjo është e vërtetë. Ne duhet të gjejmë zgjidhje diplomatike”, ka thënë Zelensky.