Putini përmend përparimin në marrëdhëniet Rusi-Turqi gjatë një takimi me Erdoganin

Presidenti rus, Vladimir Putin theksoi zhvillimin pozitiv të marrëdhënieve Rusi-Turqi në një takim të nivelit të lartë të mërkurën me homologun e tij turk, Rexhep Tajip Erdogan. 

Duke folur në një sesion të Organizatës së Bashkëpunimit të Shangait në Astana së bashku me Erdoganin, Putin tha se marrëdhëniet "po zhvillohen në mënyrë progresive" dhe theksoi se vendet "punojnë në mënyrë aktive" në politikën ndërkombëtare, raporton AP.

E themeluar në vitin 2001 nga Kina dhe Rusia për të diskutuar shqetësimet e sigurisë në Azinë Qendrore dhe rajonin më të gjerë, Organizata e Bashkëpunimit të Shangait, ose SCO, supozohet të shërbejë si një kundërpeshë ndaj aleancave perëndimore. 

Anëtarë të tjerë janë Irani, India, Pakistani, Kazakistani, Kirgistani, Taxhikistani dhe Uzbekistani. Shtetet vëzhguese dhe partnerët e dialogut përfshijnë Turqinë, Arabinë Saudite dhe Egjiptin.