Në sytë e Xisë, Kina është më afër se kurrë arritjes së ëndrrës së saj për “përtëritje kombëtare” dhe rimarrjes së vendit të saj të merituar në botë. Por rruga përpara është gjithashtu e rrethuar me “erëra të forta, ujëra të rrëmbyeshëm, apo edhe stuhi të rrezikshme” - një paralajmërim i errët i Xisë bërë në fillim dhe në fund të kongresit njëjavor
Ishte një moment kurorëzimi për Xi Jinpingun kur doli në një skenë të tapetit të kuq të dielën për të filluar mandatin e tij të tretë, që thyen normat si lider suprem i Kinës.
Xi, 69 vjeç, ka dalë nga kongresi pesëvjeçar i Partisë Komuniste me më shumë pushtet se kurrë, duke mbushur nivelet më të larta të partisë së tij me aleatë të vendosur.
Ky rreth i brendshëm besnik jo vetëm që ka forcuar kontrollin e Xisë në pushtet, por gjithashtu ka shtrënguar kontrollin e tij mbi të ardhmen e Kinës. Në një masë të paparë në dekada, trajektorja e vendit formësohet nga vizioni dhe ambicia e një njeriu, me hapësirë minimale për mosmarrëveshje ose rikalibrim në kulmin e pushtetit të partisë.
Në sytë e Xisë, Kina është më afër se kurrë arritjes së ëndrrës së saj për “përtëritje kombëtare” dhe rimarrjes së vendit të saj të merituar në botë. Por, rruga përpara është gjithashtu e rrethuar me “erëra të forta, ujëra të rrëmbyeshëm, apo edhe stuhi të rrezikshme” - një paralajmërim i errët i Xisë bërë në fillim dhe në fund të kongresit njëjavor.
Sfidat në rritje kanë ardhur nga "një situatë e zymtë dhe komplekse ndërkombëtare", me “përpjekjet e jashtme për të shtypur dhe frenuar Kinën” që kërcënojnë të "përshkallëzohen në çdo kohë", sipas raportit të punës së Xisë në kongres.
Edhe
Trump dhe Xi mbyllin bisedimet “shumë të suksesshme”, por dallimet mbesin
Kina dhe Perëndimi
Xi hyn në epokën e ardhshme në pushtet duke u përballur me një peizazh dukshëm të ndryshëm nga dy mandatet e mëparshme. Marrëdhënia midis Kinës dhe Perëndimit ka ndryshuar në mënyrë dramatike me marrëdhëniet SHBA-Kinë që kanë rënë për shkak të një lufte tregtare dhe teknologjike, fërkimet mbi Tajvanin, COVID-19, të dhënat Pekinit për të drejtat e njeriut të dhe refuzimin e tij për të dënuar luftën e Rusisë në Ukrainë.
Raporti i punës i Xisë, një plan veprimi pesëvjeçar i dorëzuar gjatë kongresit, vuri në dukje “ndryshime drastike” në spektrin ndërkombëtar, duke përfshirë "përpjekjet e jashtme për të shantazhuar, kontrolluar, bllokuar dhe ushtruar presion maksimal" mbi Kinën - terma të përdorur shpesh nga diplomatët kinezë për të dënuar veprimet e SHBA-së.
Këto presione ka të ngjarë të ndikojnë gjithashtu në marrëdhëniet e ngushta të Pekinit me Moskën. Ndërsa Kina ka kërkuar të shfaqet si një aktor neutral në luftën në Ukrainë, ajo ka refuzuar të dënojë pushtimin e Rusisë dhe në vend të kësaj ka fajësuar Perëndimin për konfliktin – një dinamikë që gjithashtu nuk ka gjasa të ndryshojë.
Kërcënimi i paraqitur për Tajvanin
Edhe
Xi përshëndet përparimin tregtar me SHBA-në, paralajmëron Trumpin për Tajvanin
Në hapjen e kongresit më 16 tetor, Xija fitoi ovacionet më të forta dhe më të gjata nga gati 2.300 delegatët e zgjedhur me dorë brenda Sallës së Madhe të Popullit të Pekinit, kur u zotua të "ribashkonte" kontinentin me Tajvanin – një demokraci vetëqeverisëse që Pekini e pretendon si të tij, pavarësisht se nuk e ka kontrolluar kurrë.
“Rrotat e historisë po rrotullohen drejt ribashkimit të Kinës dhe përtëritjes së kombit kinez. Ribashkimi i plotë i vendit tonë duhet të realizohet”, i tha Xi kongresit me duartrokitje të zhurmshme.
Raporti i punës i Xisë gjithashtu përvijonte një ambicie që Kina të bëhej më e aftë në vendosjen e forcave të saj ushtarake në baza të rregullta dhe në mënyra të larmishme, për t'i mundësuar asaj "të fitojë luftërat lokale".
Duke folur në një fjalim televiziv të dielën, pasi njoftoi ekipin e tij të ri drejtues - Komiteti i Përhershëm i Byrosë Politike të partisë - Xi u zotua se dera e Kinës drejt botës "vetëm do të zgjerohej" dhe vetë zhvillimi i vendit "do të krijonte më shumë mundësi për botën".
Edhe
Samiti Trump-Xi do të përcaktojë marrëdhëniet e superfuqive për shumë vjet
Dhe ndërsa Xi ka thënë se avancimi i "pozitës dhe ndikimit ndërkombëtar" të Kinës, duke përfshirë mbështetjen e zhvillimit global, është ndër objektivat e tij kryesore për pesë vjetët e ardhshëm, Pekini mund të mos jetë më në gjendje të mbështetet në të njëjtin nivel angazhimi ekonomik për ta bërë këtë në një botë më të ndarë.
Përktheu: Forca Jashari
