Parlamenti i Ukrainës rrit në nivel rekord shpenzimet për mbrojtje

Parlamenti i Ukrainës ka votuar të martën për të ndryshuar buxhetin e vendit për këtë vit, duke rritur shpenzimet e mbrojtjes në një nivel rekord, teksa lufta me Rusinë ka hyrë në vitin e katërt.

Ligjvënësit miratuan rritjen në vlerë prej 7.7 miliardë dollarësh, duke i rritur shpenzimet e mbrojtjes së Ukrainës në një total prej rreth 70.86 miliardë dollarë këtë vit.

"Ne e kuptojmë që situata po ndryshon vazhdimisht dhe është një domosdoshmëri e detyruar të rrisim shpenzimet për t'i rezistuar agresionit në mënyrë efektive", ka thënë ministri i Financave, Serhiy Marchenko.

"Qeveria, me mbështetjen e partnerëve, ka burimet për të siguruar shpenzime shtesë për mbrojtësit e Ukrainës”, ka shtuar ai.

Kjo është hera e dytë këtë vit që Ukrainës i është dashur të rrisë shpenzimet e saj për ushtrinë dhe prodhimin e armëve. 

Edhe Botë 1 kor 2026 Ukraina kërkon 6.6 miliardë euro nga fondi i paqes i BE-së për ndihmë ushtarake

Ndryshimet e para janë miratuar në korrik kur shpenzimet e mbrojtjes u rritën me rreth 9.87 miliardë dollarë.

Luftime të ashpra po zhvillohen përgjatë më shumë se 1,200 km të vijës së frontit, dhe kërkesa për municione dhe armë vazhdon të rritet ndërsa Ukraina lufton për të ruajtur linjat mbrojtëse kundër një armiku shumë më të madh dhe më të pajisur.