Një i vdekur dhe tre të lënduar nga rrëzimi i një aeroplani në Lituani

Të paktën një person ka vdekur dhe tre të tjerë janë lënduar pasi një aeroplan mallrash u rrëzua pranë aeroportit Vilnius në Lituani, në orët e para të së hënës.

Boeing 737, i operuar për DHL nga linja ajrore spanjolle e mallrave Swiftair, u rrëzua pranë një shtëpie teksa ishte gati për ulje, kanë bërë të ditur autoritetet lokale, raporton BBC.

Shërbimet e shpëtimit kanë bërë të ditur se të gjithë ata që ishin në fluturim nga Leipzig në Gjermani, janë regjistruar.

Avioni u nis nga qendra e DHL-së në aeroportin e Leipzigut dhe u rrëzua rreth një orë e gjysmë më vonë, sipas të dhënave nga faqja e internetit për gjurmimin e fluturimeve Flightradar24.

Shkaku i rrëzimit nuk dihet dhe autoritetet lituaneze kanë nisur një hetim.

Edhe Rajon 4 qer 2026 Rrëzohet një aeroplan i vogël në Kroaci, 4 të vdekur

DHL ka konfirmuar se kishte në pronësi avionin.

Autoritetet kanë thënë se nuk kanë asnjë të dhënë për momentin që sugjeron se ka pasur një shpërthim përpara rrëzimit.