Robert F Kennedy Jr ka paraqitur dokumentet zgjedhore për të kandiduar për president të SHBA-së në vitin 2024 si demokrat.
69-vjeçari është djali i senatorit të vrarë, Robert F Kennedy, dhe nipi i presidentit John F Kennedy.
Kennedy është një aktivist i hapur kundër vaksinave, raportoi BBC.
Të dyja partitë, demokratike dhe republikane, zhvillojnë garat e tyre - të quajtura paraprake - për të gjetur kandidatin e tyre presidencial.
Presidenti amerikan Joe Biden ka dhënë indikacione se do të kandidojë për rizgjedhje, megjithëse ende nuk e ka deklaruar zyrtarisht kandidaturën e tij.
Muajin e kaluar, një tjetër demokrate, Marianne Williamson, hyri në garë për kandidate.