Kryeministri izraelit, Benjamin Netanyahu, të martën e ka përshëndetur miratimin nga Kombet e Bashkuara të planit të administratës Trump për paqe të qëndrueshme në Gaza, derisa Hamasi e ka refuzuar.
Rezoluta e miratuar të hënën në Këshillin e Sigurimit të OKB-së, autorizon krijimin e një force ndërkombëtare të stabilizimit për të siguruar rendin në Gazën e shkatërruar nga lufta, miraton themelimin e një autoriteti tranzitor të quajtur Bordi i Paqes, i cili do të mbikëqyret nga presidenti Donald Trump dhe parasheh një rrugë të mundshme drejt krijimit të një shteti të pavarur palestinez.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ne besojmë se plani i presidentit Trump do të sjellë paqe, sepse insiston në çmilitarizimin e plotë dhe çarmatosjen e Gazës”, ka shkruar Zyra e Netanyahut në platformën X të martën.
Rezoluta i jep mandat të gjerë forcës ndërkombëtare, përfshirë mbikëqyrjen e kufijve, sigurimin e zonës dhe çmilitarizimin e Gazës.
Plani amerikan parasheh që forca e stabilizimit të sigurojë “çaktivizimin e përhershëm të armëve nga grupet e armatosura joshtetërore. Ai autorizon këtë forcë “të përdorë të gjitha masat e nevojshme për të përmbushur mandatin e saj” në përputhje me të drejtën ndërkombëtare, formulim ky i OKB-së që nënkupton mundësinë e përdorimit të forcës ushtarake.
Hamasi deklaroi të hënën se përfshirja e çarmatosjes në këtë plan shkon në favor të okupimit. Ai shtoi se rezoluta nuk “përmbush kërkesat dhe të drejtat politike e humanitare të popullit palestinezë”.
Hamasi kërkoi që çdo forcë ndërkombëtare të jetë nën mbikëqyrjen e OKB-së, të vendoset vetëm në kufijtë e Gazës për të monitoruar armëpushimin dhe të funksionojë ekskluzivisht në bashkëpunim me institucionet palestineze.