Presidenti francez, Emmanuel Macron, do të takohet të martën me kundërshtarët politikë, pasi koalicioni i tij nuk arriti të fitojë shumicën në zgjedhjet parlamentare.
Macroni tash është nën presion për të siguruar mbështetje nga rivalët për të përmbushur agjendën e reformave të qeverisë së tij.
Por as e djathta ekstreme e Marine Le Pen dhe as aleanca e majtë e Jean-Luc Melenchon nuk janë shprehur të interesuara të punojnë me të, shkruan BBC-ja të martën.
Qeveritë e pakicave janë një gjë e rrallë në Francë dhe aleanca e Macronit ka 44 vende më pak se shumica.
Kjo do të thotë se atij do t'i duhet të gjejë mbështetje nga deputetët kryesorë nga e majta dhe e djathta politike për të ndihmuar në ndërtimin e një shumice parlamentare.
Edhe
Macroni hedh poshtë kandidaten e të majtëve për kryeministre, thirren protesta për rrëzimin e tij
Përfaqësuesit e partive do të vizitojnë pallatin Elysee veçmas për bisedimet e nivelit të lartë të martën dhe të mërkurën.
Analistët thonë se presidenti mund të jetë duke kërkuar një marrëveshje me republikanët e krahut të djathtë dhe partia konfirmoi se udhëheqësi i saj, Christian Jacob, do të marrë pjesë në bisedime.
