Udhëheqësi i Aleancës Demokratike të udhëhequr nga socialdemokratët e qendrës së djathtë të Portugalisë, Luis Montenegro, u emërua kryeministër i zgjedhur i vendit, herët të enjten.
Montenegro u takua me presidentin portugez, Marcelo Rebelo de Sousa në pallatin presidencial në Lisbonë, pas një fitoreje të ngushtë në zgjedhjet e vendit, raportoi AP.
Partia e tij fitoi 80 vende në parlament, ndërsa Partia Socialiste e qendrës së majtë, e cila ka qeverisur për tetë vitet e fundit, fitoi 78. Të dy partitë kanë alternuar në pushtet për dekada. Partitë e vogla zunë vende të tjera.
Pas takimit të tij me Rebelo de Sousa, Monetnegro ka thënë se ai u takua me presidentin për të konfirmuar lejen e tij për të formuar një qeveri dhe se ai do të takohet me udhëheqës të ndryshëm politikë dhe kolegë të shtunën.
Betimi i kryeministrit të ri do të bëhet më 2 prill.
Rezultatet jopërfundimtare të zgjedhjeve të përgjithshme të Portugalisë kanë çuar në javë pasigurie politike dhe i kanë dhënë energji të re zhvendosjes së Evropës drejt së djathtës radikale.
-
Konservatorët e Portugalisë i fitojnë zgjedhjet
-
Portugalia zgjedh socialistin si president, rivali i tij i ekstremit të djathtë merr rekord votash
-
Portugalia në zgjedhje, e djathta ekstreme mund ta luajë rolin kryesor në formimin e Qeverisë
-
Jep dorëheqje kryeministri i Portugalisë
-
Portugalia vendos për selektorin e ri