-
Përktheu:
Flutura Gashi-Mehmeti
- 16 shtator 2025 20:07
- Shpërndaje në:
Në kufirin me Rusinë, ministria e Mbrojtjes e Lituanisë ka hapur të parën nga nëntë shkollat që do të jenë në të gjithë vendin, të cilat do t'i mësojnë fëmijët që nga mosha 10 vjeç dhe po ashtu të rriturit se si të fluturojnë, montojnë dhe programojnë dronë.
"Bëhet fjalë për ndërtimin e aftësive mbrojtëse ushtarake, të cilat Lituania po i merr shumë seriozisht, duke jetuar në afërsi të Rusisë dhe Bjellorusisë", ka thënë zëvendësministri i Mbrojtjes, Tomas Godliauskas.
Fëmijëve dhe të tjerëve do t'u mësohet të përdorin Pamjen e Personit të Parë (FPV), kuadrokopterët dhe dronët me një krah, ka thënë mësuesi Mindaugas Tamosaitis.
Në shkollën në Taurage, 20 km nga enklava ruse e Kaliningradit, fëmijët praktikuan fluturime virtuale në kompjuterë. Një djalë në poligonin e stërvitjes po praktikonte fluturimin e një mini-droni lart e poshtë, i mbikëqyrur nga mësuesit.
Fëmijët janë entuziastë, ka thënë mësuesi i tyre.
Lituania, anëtare e NATO-s, i ka kërkuar aleancës të forcojë mbrojtjen e saj ajrore pasi dy dronë rusë u rrëzuan atje pasi kaluan nga Bjellorusia këtë verë.
NATO-ja të premten e kaluar njoftoi planet për të forcuar mbrojtjen e krahut lindor të Evropës, dy ditë pasi Polonia rrëzoi dronë që kishin shkelur hapësirën e saj ajrore, në veprimin e parë të njohur të këtij lloji nga një anëtar i aleancës perëndimore gjatë luftës së Rusisë në Ukrainë.