Liderja në ekzil e opozitës bjelloruse, Svitllana Tsikanouskaja, ka lavdëruar protestuesit në Lituani që po solidarizohen me vendin e saj.
Ajo ka folur gjatë një marshimi me rastin e njëvjetorit të arrestimit të burrit të saj në Bjellorusi disa ditë pasi ai kishte shpallur kandidaturën për president kundër liderit autoritar, Aleksandër Lukashenko.
Rreth 150 qytetarë lituanë e kanë përkrahur Tsikanouskajën, e cila bashkë me mijëra bjellorusë, janë arratisur në Lituani prej se Lukashenko nisi fushatën represive ndaj zërave që mendojnë ndryshe.
Qeveria e diktatorit Lukashenko është përballur së fundmi me kritika e sanksione të Perëndimit pas devijimit të një aeroplani që po fluturonte nga Greqia në Lituani për ta arrestuar një gazetar disident që ndodhej në bord.
Veprimin bjellorus, liderët e shteteve të Bashkimit Evropian e kanë dënuar si pirateri e terrorizëm shtetëror, por Lukashenko vazhdon ta ketë përkrahjen e presidentit rus, Vladimir Putin.