Kushtetuesja e Rumanisë refuzon kërkesën për anulimin e zgjedhjeve të fituara nga Nicusor Dan

Gjykata Kushtetuese e Rumanisë ka njoftuar të enjten se ka refuzuar në mënyrë anonime një kërkesë për të anuluar zgjedhjet presidenciale të 18 majit, që u fituan nga kryebashkiaku i Bukureshtit, Nicusor Dan.

Kandidati i mundur i djathtë i Rumanisë, George Simion, i cili doli i pari në rundin e parë të votimit më 4 maj, kishte paraqitur kërkesën në gjykatë duke pretenduar ndërhyrje nga Franca dhe Moldavia, raporton Reurers.

Autoritetet zgjedhore dhe vëzhguesit e pavarur kanë thënë se zgjedhjet ishin të mirëorganizuara.

Gjykata Kushtetuese, e cila ka thënë se sfida e Simion ishte e pabazuar, do të vërtetojë zyrtarisht rezultatin e zgjedhjeve të enjten, me Danin të pranishëm.

Gjykata kishte anuluar zgjedhjet fillestare presidenciale të Rumanisë gjashtë muaj më parë me dyshimin për ndërhyrje ruse, e mohuar nga Moska, në favor të kandidatit të ekstremit të djathtë Calin Georgescu. Atij iu ndalua të merrte pjesë në rivotim.

Kriza institucionale që pasoi, duke përfshirë rënien e qeverisë së udhëhequr nga socialdemokratët, ngeci përpjekjet për të reduktuar deficitin buxhetor të Rumanisë, më i madhi në Bashkimin Evropian.