Mbi 350 të vdekur nga përmbytjet në Nepal, më shumë se 900 të zhdukur

Policia e nepaleze ka njoftuar të enjten se deri më tani janë nxjerrë 350 trupa nga zonat e prekura nga përmbytjet e së mërkurës, në kufirin Nepal-Tibet. 

Më shumë se 900 të tjerë rezultojnë ende të zhdukur. 

Ekipet e shpëtimit po vazhdojnë kërkimet për të mbijetuar, të cilat janë vështirësuar për shkak të shkatërrimit të shumë shtëpive, rrugëve të përmbytura dhe ura të rrëmbyera nga balta dhe uji. 

Përpjekjet e shpëtimit janë vështirësuar edhe më shumë për shkak të të reshurave të shiut si dhe pozitës gjeografike. Në Tibet, të paktën 558 persona rezultojnë të zhdukur, me tre të vdekur të konfirmuar. 

Në të dyja anët e kufirit, qindra shtetas të huaj rezultojnë të zhdukur. Autoritet nepaleze thanë se numri i turistëve të cilët rezultojnë të zhdukur vinë nga 30 shtete të ndryshme. 

Në një studim nga Instituti Gjeologjik i SHBA-ve thuhet se “shembja e akullnajave dhe rrjedha e mbeturinave”, shkaktuan përmbytjet, dhe ekziston frika se mbeturinat në lumenj mund të shkaktojnë një përmbytje të dytë.