-
Përktheu:
Flutura Gashi-Mehmeti
- 27 gusht 2026 07:27
- Shpërndaje në:
Mbi 1 000 persona janë shpallur të zhdukur pas një përmbytjeje të shpejtë dhe katastrofike që ka ndodhur të mërkurën në kufirin mes Nepalit dhe Tibetit.
Sipas autoriteteve, shumica e të zhdukurve janë turistë.
Agjencia e Nepalit për menaxhimin e katastrofave ka bërë të ditur se, të enjten, më shumë se 24 orë pas goditjes së katastrofës, 823 persona rezultonin të paarritshëm.
Në një përditësim të të dhënave, agjencia ka sqaruar se në këtë shifër përfshiheshin të paktën 579 turistë, si vendas ashtu edhe të huaj.
Është konfirmuar vdekja e të paktën 165 personave, si në Nepal ashtu edhe në Tibet, ku raportohen gjithashtu 558 persona të tjerë të zhdukur.
A horrific scene of severe flooding at the Rasuwagadhi border point on the Nepal-Tibet border.
— Ravi Pandey🇮🇳 (@ravipandey2643) August 26, 2026
The strong currents wreaked havoc across the area, leaving 400 pilgrims and 105 Indian tourists also missing in the Nepal floods.#NepalFloods #Nepal #Rasuwa #FlashFlood #Floods pic.twitter.com/dwAX12Gj7l
Të njëjtat zona që u prekën nga katastrofa e së mërkurës kanë përjetuar përmbytje të ngjashme edhe në gusht të vitit të kaluar, kur një liqen akullnajor në Tibetin fqinj doli nga shtrati për shkak të temperaturave të larta në rajonin malor.
Edhe
Mbi 150 të vdekur nga përmbytjet në kufirin Nepal-Tibet
Në atë kohë, nëntë persona patën vdekur dhe teksa ishte dëmtuar infrastruktura kritike, përfshirë një urë që lidhte Nepalin me Kinën.
Rajoni i Himalajeve, që përfshin Nepalin dhe disa vende të tjera përreth, përfshirë Indinë, është veçanërisht i rrezikuar nga reshjet e dendura, përmbytjet dhe rrëshqitjet e dheut, pasi po ngrohet më shpejt se pjesa tjetër e botës për shkak të ndryshimeve klimatike.
