Komisioni Evropian ka propozuar që t’i ofrohet Ukrainës një ndihmë makrofinanciare, me rreth 18 miliardë euro për vitin 2023, raportoi BBC-ja të martën.
Kjo u bë e ditur nga Komisioni Evropian nëpërmjet Twitterit.
“Ne ofrojmë mbështetje për Ukrainën me shumën prej 18 miliardë eurove, në formë të kredive për vitin 2023”, thuhet në njoftim. Kundër kësaj ndihme thuhet se ka dalë Hungaria.
Sipas BBC-së, ministri hungarez i Financave, Mihai Varga, iu tha kolegëve në Bruksel se nuk do të mbështeste një pako të tillë ndihmëse. Krah tij doli edhe ministri i Jashtëm, Peter Szijjarto, që tha se Hungaria nuk do ta mbështesë një vendim të tillë.
Bazuar në mënyrën se si operon Bashkimi Evropian, një vendim i tillë nuk mund të merret pa miratimin unanim të 27 shteteve anëtare.
Deri më tani, Bashkimi Evropian i ka dërguar Ukrainës dhjetëra pako ndihmëse në luftë kundër Rusisë. Por, ndihmën më të madhe, si me financa ashtu edhe me mjete ushtarake, e ka ofruar SHBA-ja.
-
BE-ja planifikon t’ia paguajë Ukrainës këtë pranverë ndihmën e bllokuar nga Hungaria
-
Këshilli i BE-së miraton ndihmën prej 5 miliardë eurosh për forcat ukrainase
-
50 miliardë eurot e BE-së për Ukrainën në thelb nuk janë asgjë
-
BE-ja zhbllokon ndihmën prej 50 miliardë eurosh për Ukrainën
-
Orbani do ta bllokojë ndihmën e re financiare të BE-së për Ukrainën