Kina pritet të vendosë për herë të parë pas tri dekadash tatimin mbi vlerën e shtuar (TVSH) për prezervativët dhe kontraceptivë të tjerë, ndërsa shteti po përpiqet të rrisë normën e lindshmërisë dhe të modernizojë ligjet tatimore.
Nga 1 janari, prezervativët dhe kontraceptivët do t’i nënshtrohen TVSH-së prej 13% - tatim nga i cili mallrat janë përjashtuar që kur Kina futi TVSH-në në vitin 1993.
Pas imponimit të politikës së rreptë për një fëmijë për mbi 30 vjet, Kina në dekadën e fundit ka kërkuar të shtyjë përpara shtimin e popullsisë pas rënies së lindshmërisë, raportoi Guardian.
Përveç rritjes së limitit të lejuar të numrit të fëmijëve për çift në tre, provincat kanë eksperimentuar duke ofruar shtesa për fëmijët. Disa qeveri lokale u ofrojnë çifteve të reja ditë shtesë pushimi me pagesë për të inkurajuar martesën.
Shkalla e vdekshmërisë në Kinë është tkurrur në të paktën tri vjetët e fundit me plakjen e popullsisë. Këtë vit, qeveria ka alokuar 12.7 miliardë dollarë në programin për fëmijë, duke ofruar shtesa për secilin fëmijë nën 3 vjeç. Të shtunën njoftoi për planet për zgjerimin e programin të sigurimit shëndetësorë për të mbuluar të gjitha shpenzimet e lidhura me lindjen.