Qeveria japoneze njoftoi se do ta nisë shkarkimin në oqean të ujërave radioaktive, të trajtuara nga termocentrali bërthamor Fukushima Daiichi, nisur nga 24 gushti.
Këtë veprim, në Qeveri e kualifikuan si hap thelbësor drejt mbylljes së termocentralit, reaktori bërthamor i të cilit u shkri 12 vjet më parë.
Një tërmet i madh dhe cunami patën shkatërruan sistemet e ftohjes së termocentralit, duke shkaktuar shkrirjen e tre reaktorëve dhe duke e ndotur ujin e tyre ftohës.
Uji, që tani arrin në nivelin prej 1.34 milionë tonë, grumbullohet, filtrohet dhe ruhet në rreth 1 mijë rezervuarë, kapaciteti i të cilëve do të mbushet në fillim të vitit të ardhshëm.
Kryeministri japonez, Fumio Kishida, e udhëzoi operatorin Tokyo Electric Power Company Holdings të përgatitet për nisjen e shkarkimit të ujërave të zeza, po qe se këtë e lejojnë kushtet atmosferike.
Kishida bëri të ditur se Qeveria ka ndërmarrë krejt çfarë duhet për ta garantuar sigurinë e planit, për të mbrojtur reputacionin e industrisë së peshkimit dhe për të shpjeguar qartë bazën shkencore ashtu që të arrihet mirëkuptim brenda dhe jashtë vendit.
Edhe
Shkarkimi i ujërave radioaktive nga Fukushima do të nisë më 24 gusht
Por jashtë Japonisë, grupe nga Koreja Jugore dhe nga Kina kanë ngritur dyshime për planin, duke e shndërruar atë në një çështje politike e diplomatike.
E në Hong-Kong, autoritetet njoftuan se synojnë ta pezullojnë importimin e produkteve të detit nga 10 prefektura japoneze, pas njoftimit të qeverisë.
