Banorët e pjesës lindore të Hungarisë dhe ambientalistët janë duke kundërshtuar ndërtimin e fabrikës kineze të baterive. Ekskavatorët kanë nisur punën për fabrikën e baterive të automjeteve elektrike. Fabrika zë hapësirën prej 220 hektarëve. Fabrika në vlerë prej 7.3 miliardë eurove është një prej investimeve më të mëdha nga shtetet e huaja në Hungari.
Mirëpo banorët, ambientalistët dhe opozita, janë shprehur të shqetësuar se ndërtimi i fabrikës nga një kompani kineze, do të shkaktojë probleme në ambient, do të dëmtojë rrjetin e furnizimit me ujë dhe do ta bëjë të varur ekonominë nga Kina.
Ata gjithashtu janë të bindur se sasi e madhe e ujit do të përdoret për ftohjen e pajisjeve në fabrikë dhe se emetimi nga fabrika do të ndotë burimet natyrore.
Mirëpo përkundër problemeve të ambientit, qeveria e Hungarisë shpreson se ambiciet e BE-së për të hequr nga përdorimi automjetet me djegie të karburanteve deri në vitin 2035 do të shërbejë si mundësi për shtetin që të jetë lidere në prodhimin e baterive në Evropë.
-
Hungaria kufizon lejet e punës për punëtorët nga vendet jashtë BE-së
-
Vetura elektrike kineze që karikohet për 99 sekonda pritet të mbërrijë në Evropë në vitin 2026
-
Volkswageni ndërpret prodhimin e veturave elektrike në dy fabrika në Gjermani
-
Shqipëria nuk është më vend i Mercedesëve
-
SHBA-ja hyn në sektorin energjetik të Serbisë përmes hidrocentralit “Gjerdap 3”