Ambasadori i SHBA-së në Beograd, Chistopher Hill, e ka vlerësuar “gotë gjysmë të mbushur” Raportin e Progresit të Komisionit Evropian për Serbinë.
Ai të enjten, tha se ka bindjen se Serbia e ka kuptuar që duhet të distancohet nga Rusia për shkak të agresionit të këtij vendi mbi Ukrainën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ne të gjithë e dimë për këto vështirësi, por mendimi im është se Serbia e ka kuptuar se duhet të largohet nga Rusia dhe mendoj se po shohim progres, se Serbia po e bën atë që duhet ta bëjë. Përparimi u pa edhe në Nju Jork, kur Serbia iu bashkua 145 vendeve të tjera në dënimin e sulmit të Rusisë ndaj fqinjit të saj”, tha Hill, përcjell “b92”.
Raporti i Progresit për Serbinë mes shumë kritikave për dështime në shumë fusha, vë në pah edhe qëndrimin e Serbisë për luftën në Ukrainë.
Serbia është ndër vendet e vetme në Evropë që nuk i ka vënë sanksione Rusisë, por ka miratuar disa rezoluta në OKB që dënojnë këtë sulm të Rusisë ndaj vendit të fqinj.
Pos SHBA-së, edhe Brukseli zyrtar ka kërkuar në vazhdimësi nga Serbia të koordinojë politikën e saj të jashtme me të BE-së, aty ku synon të anëtarësohet.