Hamasi pajtohet t'i lirojë tri pengjet izraelite të shtunën, thonë burimet

Burime palestineze dhe mediat izraelite kanë bërë të ditur të enjten se lirimi i tri pengjeve izraelite, i paraparë të ndodhë të shtunën, do të realizohet.

Sipas burimeve, palët janë pajtuar që të vazhdohet me fazën e parë të armëpushimit që zgjat 42 ditë. 

“Izraeli dhe Hamasi kanë arritur një dakordim që faza tjetër e marrëveshjes të ndodhë këtë të shtunë, në të cilën tri pengje do të lirohen…dhe Izraeli do të rrisë hyrjen e ndihmave në Rrip, kryesisht të përbërë nga tenda, gaz dhe pajisje mjekësore”, kanë thënë burimet, raporton The Guardian.

Kanali mediatik egjiptian “Al-Rad” ka raportuar se negociatat në Kajro i kanë afruar Hamasin dhe Izraelin më afër marrëveshjes.

Ndërkaq, transmetuesi izraelit “Channel 12’ gjithashtu ka raportuar se fluksi i ndihmave humanitare, i cili është nën kontrollin e Izraelit, do të rritet.

Edhe Botë 14 tet 2025 Pasiguri për situatën në Gazë – familjet izraelite presin trupat e pengjeve

LEXO EDHE: