Oficer i policisë koreano-jugore, i cili ka qenë nën hetim rreth reagimit të Policisë, në natën kur nga stampedo në ndejën e “Natës së Shtrigave” në Seul të Koresë së Jugut humbën jetën 156 persona, është gjetur i vdekur në shtëpinë e tij.
Dyshimet e para janë se ai ka bërë vetëvrasje.
55-vjeçari, i identifikuar si Inspektor Jeong, ishte një oficer i inteligjencës që punonte në policinë lokale.
Jeong ishte në mesin e të dyshuarve në hetimin në lidhje me reagimin e policisë ndaj stampedos.
Ai u pezullua të mërkurën, pasi dyshohet se kishte mbuluar të metat e policisë.
Edhe
Mijëra njerëz mblidhen në vigjilje për viktimat në Seul
Jeong u akuzua për urdhërimin e kolegëve për të fshirë një raport të inteligjencës - shkruar përpara ngjarjes së Halloweenit - i cili paralajmëroi për mundësinë e një incidenti të rëndë.
Mediat lokale kanë raportuar se një anëtar i familjes e gjeti të vdekur oficerin në shtëpinë e tij në Seulin verior të premten. Policia po heton rrethanat e vdekjes së tij. / BBC
