Trazirat u ndezën në qytetet përreth Francës për natën e katërt me radhë, megjithë dislokimin masiv të policisë, me automjete dhe ndërtesa të djegura dhe dyqane të grabitura, ndërsa familja dhe miqtë përgatiten të shtunën për të varrosur 17-vjeçarin, vrasja e të cilit nga policia shkaktoi trazirat, raportoi AP.
Qeveria ka sugjeruar se dhuna kishte filluar të zvogëlohej falë masave më të ashpra të sigurisë, por dëmet mbetën të përhapura, nga Parisi në Marsejë dhe Lion, ku një 54-vjeçar vdiq pasi u godit nga një plumb. Ministria e Brendshme njoftoi se janë arrestuar 994 persona në të gjithë Francën deri të shtunën herët.
Vrasja e adoleshentit të quajtur Nahel nxiti tensionet të gjata midis policisë dhe të rinjve të cilët përballen me varfëri, papunësi e diskriminim racor. Protestat që nxiti vrasja e tij janë më të rëndat që ka parë Franca në disa vjet dhe ushtrojnë presion të ri mbi presidentin Emmanuel Macron.
Protestuesit gjatë natës kanë arritur ta thyejnë edhe një dyqan armësh e të dalin nga aty me armë.
Qindra policë e zjarrfikës janë lënduar, ndërsa vazhdojnë përpjekjet për të ndaluar dëmet në qytete.
