Trazirat në Francë duket se po qetësohen, pas pesë ditësh protesta të dhunshme si kundërpërgjigje kundër të shtënave ndaj adoleshentit Nahel, i cili u qëllua pas ndalimit nga policia e trafikut.
Më shumë se 150 persona u arrestuan të dielën mbrëma, krahasuar me më shumë se 700 një natë më parë. Ditët e fundit ka pasur thirrje të shumta për ndalimin e dhunës, përfshirë edhe nga familja e adoleshentit të vrarë.
Kryetarët e bashkive kanë bërë thirrje që njerëzit të mblidhen jashtë bashkive të hënën për të protestuar kundër dhunës dhe plaçkitjes.
Në Nanterre, vendlindja e Nahelit, kryebashkiaku Patrick Jarry ka theksuar se ishte i lumtur që dhuna po ndalonte, porse shtoi se “nuk duhet të harrohet incidenti që ndezi këtë situatë dhe nevojën e vazhdueshme për drejtësi”.
Mbrëmë u dogjën 297 makina krahasuar me 1900 të enjten e javës që shkoi. Ndërsa 34 ndërtesa u dëmtuan ose u dogjën në krahasim me më shumë se 500 të enjten.
Të martën presidenti francez, Emmanuel Macron, do të takohet me kryetarët e 220 zonave komunale që janë prekur nga dhuna.
-
Macroni takohet me kryetarët e qyteteve të goditura nga dhuna
-
Familjarët e 17-vjeçarit të vrarë në Francë: Kurrë s’kemi bërë thirrje për trazira
-
Afro 720 të arrestuar të shtunën mbrëma në trazirat në Francë
-
As 45 mijë policë nuk mund t’i ndalin trazirat në Francë
-
Franca në zjarr, gati 1,000 të arrestuar