Fshati Bilohorivka në rajonin e Luhanskut tani është tërësisht nën kontrollin e Ukrainës, sipas një postimi të bërë të hënën në Telegram nga Sehiy Haidai, kreu i administratës ushtarake rajonale të Luhansk.
Haydai u kërkoi ukrainasve që të jenë të durueshëm me operacionin e tyre për të çliruar qytetet dhe fshatrat në rajonin e Luhanskut, duke thënë se po rezulton të jetë një operacion “shumë më i vështirë” sesa çlirimi i Kharkivit.
“Do të ketë një luftë të vështirë për çdo centimetër të tokës së Luhanskut”, tha Haidai.
Më herët, forcat ukrainase ndaluan përparimet ruse në Bilohorivka. Në maj, ushtria ukrainase hodhi në erë dy ura pranë Bilohorivkas, duke ndaluar përpjekjet ruse për të kaluar lumin Siverskyi Donets në rajonin e Luhanskut.
Në korrik, Shtabi i Përgjithshëm i Forcave të Armatosura të Ukrainës tha se ushtarët ukrainas “zmbrapsën me kompetencë një tjetër përpjekje për zbulim luftarak pranë Berestove dhe Bilohorivka” dhe se ushtarët rusë pësuan humbje dhe u tërhoqën.
