Evakuohen mbi 10,000 njerëz në Francë si pasojë e një zjarri masiv

Më shumë se 10,000 njerëz janë evakuuar gjatë natës në Francën jugperëndimore, ndërsa një zjarr që po përhapej me shpejtësi, ka djegur 2,000 hektarë tokë në perëndim të qytetit të Bordosë, kanë njoftuar zyrtarët të enjten.

Të dhënat tregojnë se zjarret kanë djegur tashmë më shumë sipërfaqe toke në Evropë këtë vit sesa mesatarja vjetore e dy dekadave të fundit, ndërsa kontinenti që po ngrohet më shpejt në botë ka përjetuar tre valë të nxehti mbytëse, pothuajse të njëpasnjëshme, deri më tani këtë vit.

Pesëqind zjarrfikës po luftojnë për të vënë nën kontroll zjarrin, ka thënë prefektura, duke shtuar se situata me zjarrin ishte shumë e rëndë, por se askush nuk është lënduar deri më tani.

Zjarri ndodhet pranë zonës së Gjirit të Arcachon-it, një destinacion popullor turistik, dhe shumë nga të evakuuarit janë turistë që qëndronin në zona kampingjesh.