Një dron ka hyrë të shtunën në hapësirën ajrore të Bullgarisë nga Rumania dhe ka shpërthyer pak pasi ka kaluar kufirin, pranë një gazsjellësi ndërkombëtar.
Kryeministri bullgar, Rumen Radev ka thënë se shpërthimi ndodhi në orën 07:10 sipas kohës lokale, rreth 100 metra brenda territorit bullgar.
Sipas autoriteteve, droni nuk ishte zbuluar apo identifikuar gjatë fluturimit, as në hapësirën ajrore të Rumanisë dhe as në atë të Bullgarisë.
Radev u shpreh se nga shpërthimi nuk pati viktima apo dëme në ndërtesa. Zona është rrethuar dhe autoritetet po vazhdojnë të monitorojnë situatën.
Vendi i shpërthimit ndodhet pranë infrastrukturës së rëndësishme energjetike. Sipas Radev, ai është rreth 200 metra larg një stacioni kompresor në Rumani dhe rreth një kilometër larg një stacioni kompresor në Bullgari, pjesë e gazsjellësit Trans-Ballkanik.
Ndërkohë, ministri i Mbrojtjes, Dimitar Stoyanov, tha se incidenti do të diskutohet në një takim të Këshillit të Atlantikut të Veriut, organi kryesor politik i NATO-s, në fillim të javës së ardhshme.
-
Avionët luftarakë të NATO-s rrëzojnë një dron që hyri në hapësirën ajrore të Lituanisë
-
Shpërthim në një depo armësh në Bullgari
-
NATO-ja rrëzon një dron që shkeli hapësirën ajrore të Rumanisë
-
Rumania rrëzon dronin e tretë rus, presidenti i vendit i quan shkeljet “të patolerueshme“
-
Putini reagon për dronin që ra në Rumani: Le të na japin mbetjet, do ta hetojmë