Në janar, një indian u arrestua sepse i ndihmoi një pakistanezeje të hynte ilegalisht në Indi dhe të merrte një dokument fals identifikimi.
Personi që ai ndihmoi, ishte gruaja e tij.
Mulayam Singh Yadav, 21 vjeç, nga India dhe Iqra Jeewani, 19 vjeç, nga Pakistani, u takuan dhe u dashuruan në internet tri vjet më parë, kur po luanin lojën online “Ludo”. Por, ata e dinin se do të ishte e vështirë për ta të ishin bashkë, shkroi BBC.
India dhe Pakistani kanë një marrëdhënie të vështirë – fqinjët kanë luftuar tri lufta që nga viti 1947, kur India u nda për pavarësi dhe Pakistani u krijua. Kjo e bën të vështirë për njerëzit të marrin viza për të takuar njëri-tjetrin.
Shtatorin e kaluar, Mulayam dhe Iqra udhëtuan në Nepal, ku u martuan. Më pas shkuan në qytetin indian Bangalore dhe jetuan bashkë.
Edhe
Kthehet në shtëpi pas 22-vjetësh indiania që u mashtrua për një vend pune
Jeta e tyre e lumtur u kthye në tragjedi në janar kur ajo u dënua për hyrje ilegale në Indi kurse Yadav u arrestua për mashtrim dhe strehim të një të huaji pa dokumente.
Ajo u deportua në Pakistan javën e kaluar, kurse Yadav mbetet në burg.
Familjarët e tij janë prekur nga arrestimet. Ata thonë se historia e çiftit është thjesht një e dashurisë.
Edhe policia pajtohet me këtë.
“Jashtë hyrjes ilegale dhe mashtrimit, duket se është histori dashurie”, ka thënë një polic.
Edhe
Gruaja franceze shpëtohet nga policia pas 12 vjetësh robërie në Pakistan
Historia e dashurisë së tyre filloi më 2020 gjatë izolimit të COVID-19.
Filluan marrëdhënien në distancë pasi u takuan në internet. Por, Jeewani ishte nën presion të madh nga familja e saj që të martohej.
Kështu, të dy udhëtuan në Nepal dhe u martuan.
Sipas policisë, Yadav shkonte çdo ditë në punë kurse vajza qëndronte në shtëpi. Megjithatë, shpesh e thërriste nënën e saj në Pakistan përmes WhatsAppit dhe ai e çoi policinë tek ajo.
Edhe
I bleu 99 Iphone në vlerë 80.000 dollarë për t’i propozuar, por e dashura e refuzoi
Nëna e Yadavit shpreson se qeveritë e të dyja vendeve të ndihmojnë në bashkimin e tyre.
“Nuk na intereson nëse është myslimane ose pakistaneze, ajo është nusja jonë. Do të kujdesemi mirë për të”, ka thënë ajo.
