Republika Çeke thotë se është në prag të dërgimit të mijëra predhave shtesë artilerie në Ukrainë.
Ministri i Jashtëm i saj, Jan Lipavský, ka thënë se deri më tani kishte siguruar 300,000 predha dhe se municioni do të siguronte një "hapësirë frymëmarrjeje disa mujore" jetike në vijën e frontit. Burimet shtuan se dërgesat e para do të bëheshin para qershorit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ne kemi një përvojë të drejtpërdrejtë me 40 vjet që jemi satelit i Moskës, duke qenë një vend që u pushtua në vitin 1968 nga tanket ruse për të frenuar Pranverën e Pragës”, ka thënë Lipavský, duke shtuar se vendi i tij nuk mund të rrinte duarkryq dhe të shikonte Ukrainën pa pasur ndihmë, raportoi The Guardian.
“Askush nuk dëshiron vërtet të rikthejë ato kohë [sovjetike] dhe më duhet të them se popullsia është shumë e ndjeshme ndaj kësaj”, ka shtuar ai.
Ukraina ka thënë se nuk ka municione kundër Rusisë, BE-ja ka deklaruar se pret të përmbushë vetëm 52% të objektivit të vendosur vitin e kaluar për të dorëzuar një milion predha deri në mars, derisa një projekt-ligj për financimin e ndihmës ushtarake të SHBA-së për Kievin po mbahet i bllokuar në Kongres.
Rusia po ‘’përballon’’ Ukrainën me një raport pesë me një, dhe forcat e Kievit gradualisht po shtyhen prapa në fushën e betejës. Muajin e kaluar Avdiivka, një qytet i vijës së parë, ra në duart e rusëve pas një beteje katër-mujore.
Petr Pavel, presidenti çek, njoftoi nismën në konferencën e sigurisë në Mynih në shkurt, duke thënë se Praga kishte gjetur 800,000 predha që mund të merreshin me financim nga një konsorcium i vendeve perëndimore.