Presidenti i SHBA-së, Joe Biden, ka thënë se vrasja e liderit të Hamasit, Yahya Sinwar, është “ditë e mirë për Izraelin, SHBA-në dhe botën”, duke e krahasuar me ndjesinë në SHBA pas vrasjes së liderit të Al-Qaidas, Osama bin Laden, raporton agjencia “AP”.
Bideni tha të enjten se do të flasë me kryeministrin izraelit Benjamin Netanyahu dhe me liderë tjerë izraelitë për t’i uruar ata “dhe për të diskutuar rrugën për sjelljen e pengjeve në shtëpi te familjet e tyre dhe për t’i dhënë fund kësaj lufte njëherë e përgjithmonë”.
Bideni thotë se me vrasjen e Sinwarit “tash është mundësi për ‘të nesërmen’ në Gaza pa Hamasin në pushtet dhe për një zgjidhje politike që ofron një të ardhme më të mirë për izraelitët dhe palestinezët”.
Ndërkohë zëvendëspresidentja amerikane Kamala Harris, njëherë kandidate nga radhët e demokratëve për zgjedhjet presidenciale në SHBA, ka thënë se vrasja e Sinwarit “jep mundësi për t’i dhënë fund luftës në Gaza”.
Ajo ka folur nga kampusi i kolegjit Wisconsin në një tubim zgjedhor.
“Lufta duhet të përfundojë në mënyrë që Izraeli të jetë i sigurt, pengjet të lirohen, vuajtjet në Gaza të marrin fund dhe populli palestinezë të mund të realizojë të drejtën për dinjitet, siguri, liri. Është koha që të fillojë e nesërmja”, tha Harris.
Izraeli konfirmon vrasjen e liderit të Hamasit, Sinwar
Izraeli e ka konfirmuar vrasjen e liderit të Hamasit, Yahya Sinwar, raporton “BBC”. Ministri i Jashtëm...-
Bideni thotë se vrasja e Sinwarit mund t’i japë fund luftës në Gaza
-
Netanyahu shuan shpresat se vrasja e Sinwarit mund t’u japë fund luftërave
-
Thirrje ndërkombëtare për armëpushim në Gaza mes frikës për zgjerim të luftës
-
Netanyahu thotë se lideri i Hamasit është eliminuar
-
Hamasi pritet ta emërojë liderin e ri nga jashtë Gazës