Bashkimi Evropian e ka shtuar Trupën e Gardës Revolucionare Islamike të Iranit (IRGC) në listën e organizatave terroriste, për shkak të shtypjes së protestave javëve të fundit.
Udhëheqësja e politikës së jashtme të BE-së, Kaja Kallas, ka thënë se ministrat e jashtëm të BE-së e morën “hapin vendimtar” sepse “represioni nuk mund të mbetet pa përgjigje”.
Ajo ka thënë se vendimi e vë IRGC-në (forcë politike, ushtarake dhe ekonomike në Iran) në të njëjtin nivel me grupet xhihadiste si al-Qaedan dhe Shtetin Islamik.
Grupet e të drejtave të njeriut kanë thënë se mijëra protestues u vranë nga forcat e sigurisë, përfshirë IRGC-në, gjatë javëve të protestave në dhjetor e janar.