Ushtria e Shteteve të Bashkuara ka raportuar dy sulme me raketa që kishin cak bazën e saj të patrullimit në verilindje të Sirisë, por tha se nuk kishte të lënduar në forcat e saj.
Në një deklaratë, Komanda Qendrore e SHBA-së (CENTCOM) tha se sulmet “shënjestruan forcat e koalicionit” në bazën e saj në al-Shaddadi në Siri të premten vonë.
Nuk dihet se kush qëndron pas sulmit me raketa, raportoi AlJazeera.
Sulmet vijnë pasi tensionet u përshkallëzuan në kufirin Siri-Turqi me ushtrinë turke duke nisur një valë sulmesh ajrore vdekjeprurëse ndaj forcave kurde si në Siri ashtu edhe në Irak si hakmarrje për një bombardim në Stamboll më 13 nëntor. Ankaraja fajëson Partinë e Punëtorëve të Kurdistanit ( PKK) dhe forcat kurde YPG për sulmin, por ata mohojnë çdo përfshirje.
Ka pasur edhe sulme me raketa nga Siria që kanë vrarë civilë në Turqi.
SHBA-ja – për të cilat Forcat Demokratike Siriane (SDF) të mbizotëruara nga YPG kanë qenë një aleat kyç në luftën kundër ISIS-it – ka kërkuar depërshkallëzimin.
-
Izraeli sulmon një bazë ushtarake në Siri, reagojnë SHBA-ja dhe Turqia
-
SHBA-ja kryen sulme ajrore në Siri, godet bazat e militantëve pro-Iran
-
38 baza amerikane u sulmuan në Irak e Siri për mbi dy javë
-
SHBA-ja kundërpërgjigjet, godet depot iraniane të armëve në Siri
-
Sulmohen dy baza ushtarake amerikane në Siri