-
Nga:
Associated Press
- 21 prill 2023 23:10
- Shpërndaje në:
Me shpresën për paqe dhe harmoni, myslimanët kanë festuar Bajramin e Madh nëpër botë. Si rrallëherë, qetësia ka mbretëruar në Jerusalem, qytet në të cilin palestinezët falën Bajramin e Madh në xhaminë Al-Aqsa, vend i shenjtë edhe për hebrenjtë
Me urimet për paqe dhe begati, myslimanët kanë festuar fundin e muajit të shenjtë të Ramazanit dhe fillimin e Bajramit të Madh.
E xhumaja për myslimanët nisi me lutjet që nga qyteti i shenjtë i Mekës e deri në Australinë e largët.
Fillimi i Bajramit të Madh tradicionalisht është i bazuar me shfaqjen e hënës së re, teksa shumë shtete bazohen në llogaritjet astronomike për të përcaktuar nisjen e Festës.
Mijëra palestinezë janë mbledhur në xhaminë Al Aqsa në qytetin e vjetër të Jerusalemit për ta falur Bajramin.
Pas faljes së Bajramit, familjet kanë nisur vizitat e tyre të zakonshme te njëra-tjetra.
Edhe
Mijëra palestinezë falin Bajramin në Jerusalem, pavarësisht okupimit
Pas disa javësh tensionesh në Jerusalem dhe në Bregun e Pushtuar Perëndimor, festa e Bajramit ka kthyer qetësinë.
Festa ishte më e zymtë në Turqi për shkak të tërmetit të muajit shkurt në të cilin mbetën të vdekur mijëra persona.
Përveç tragjedisë së tërmetit, Bajrami i Madh e gjen Turqinë në kulmin e inflacionit dhe kritikave ndaj Qeverisë së presidentit Recep Tayyip Erdogan për keqmenaxhimin e katastrofës së muajit shkurt.
Mijëra myslimanë janë mbledhur edhe në Sydney të Australisë.
Edhe
“Ne jemi njerëz të vdekur”: Festë e zymtë në Gaza
Besimtarët myslimanë falën Bajramin në xhaminë Lakemba në veriperëndim të Sydneyt.
Ndërkaq, qindra të tjerë iu bashkuan lutjeve edhe në rrugët afër xhamisë.
