Kryetari i Lëvizjes Vetëvendosje, Visar Ymeri dhe ish kryetari i kësaj partie, Albin Kurti, gjatë vizitës së që po zhvillojnë në Bruksel, sot kanë takuar eurodeputetin socialdemokrat nga Kroacia Tonino Picula dhe përfaqësuesit e zyrës së Komisioneres së lartë për Siguri dhe Politikë të Jashtme, shefen e Kabinetit Fabrizia Panzetti dhe këshilltaren e kabinetit Ana Maria Baura.
Komunikata e plotë e Vetëvendosjes:
Gjatë ditës së parë të vizitës në Bruksel kryetari i Lëvizjes VETËVENDOSJE! Visar Ymeri bashkë me kandidatin për Kryeministër Albin Kurtin, takuan eurodeputetin socialdemokrat nga Kroacia z.Tonino Picula dhe përfaqësuesit e zyres së Komisioneres së lartë për Siguri dhe Politikë të Jashtme, Shefen e Kabinetit Fabrizia Panzetti, dhe këshilltaren e kabinetit Ana Maria Baura.
Gjatë takimeve është diskutuar krijimi i Qeverisë së re në Republikën e Kosovës dhe domosdoja e ndryshimit të kursit politik dhe qeverisës të Kosovës, zhvillimit ekonomik që sjellë punësim, sundimin e ligjit që lufton krimin e korrupsionin dhe politikat sociale që zbusin pabarazinë. Përfaqësuesit e Komisionit dhe Parlamentit evropian u deklaruan se do ta pranojmë secilën qeveri demokratike që ka shumicën në Kuvend.
Përfaqësuesit e Vetëvendosjes shprehën zotimin për intensifikimin e bashkëpunimit drejt integrimit në BE si dhe për bashkëpunimin rajonal sipas parimeve të fqinjësisë së mirë dhe reciprocitetit në marrëdhënie.
-
VV-ja mobilizohet në rrjete sociale në mbështetje të Kurtit para takimeve në Bruksel
-
Kurti takon Weberin, bisedojnë për prioritetet e qeverisë së re
-
Vetëvendosje në Bruksel kërkon vlerësim të dialogut Kosovë-Serbi
-
Zyrtarë të Vetëvendosjes takohen me zyrtarë të Këshillit të Europës
-
Austria vazhdon përkrahjen për Kosovën