Për të nëntën ditë po vazhdon protesta për të kërkuar drejtësi për vrasjen e Arlinda Zekajt, derisa protestuesit e kanë bllokuar rrugën para stacionit policor në Prishtinë.
Protestuesit në vazhdimësi kërkojnë shkarkimin e ministres së Drejtësisë, Donika Gërvalla dhe atij të Punëve të Brendshme, Xhelal Sveçla. Gjithashtu edhe dorëheqjen e kryetarit të Pejës, Gazmend Muhaxhiri.
Ndërkohë për të shtunën është ftuar protestë gjithëkombëtare nga Kolektivi për Mendim dhe Veprim Feminist nga ora 12:00.
Gjashtë kërkesat e listuara të cilat kërkohen të plotësohen janë:
1. Shkarkim, ndjekje penale dhe burgim për kryeprokuroren Lumturije Vuçetaj, prokuroren e rastit Suada Rama Hamza, kryetarin e gjykatës Shemsedin Haxhiaj, gjykatësin Migjen Kastrati, ushtruesen e detyrës së drejtores së QPS-së Shpresa Lukajn, togerin Faruk Muqolli dhe çdo zyrtar/e tjetër të përfshirë;
Edhe
Një javë protesta - vazhdojnë kërkesat për burgim, shkarkim e dorëheqje
2. Shkarkim të Donika Gërvallës dhe Xhelal Sveçlës, dorëheqjen e Gazmend Muhaxherit;
3. Trajtimin e vrasjes së grave si urgjencë kombëtare;
4. Sigurim të banimit social për të mbijetuarat e dhunës në familje;
5. Veting apartiak dhe të pavarur të sistemit të drejtësisë
6. Legalizim të sprejit vetëmbrojtës për gra
Arlinda Zekaj u vra më 25 tetor në Vitomiricë të Pejës nga ish-kunati i saj. Ajo u vra pak ditë pasi u kishte dërguar një letër të gjitha institucioneve, duke i paralajmëruar se jeta e saj ishte në rrezik.
Vrasja ndodhi pasi ajo ishte kthyer nga Policia, ku kishte denoncuar ish-bashkëshortin për kanosje.
Edhe
Protestuesit kërkojnë burgosje, shkarkime e dorëheqje për rastin e Arlinda Zekajt
Vrasja e saj ka nxitur reagime të shumta, protesta dhe masa brenda institucioneve.
Ndër zhvillimet pas rastit janë edhe dorëheqja e drejtorit të Përgjithshëm të Policisë së Kosovës, Gazmend Hoxha, si dhe suspendimi i prokurorëve dhe zyrtarëve policorë. /EO
