Partia për Lëvizjen e Turqve në Maqedoni (PLT) ka dërguar reagim me shkrim te presidenti Gjorge Ivanov dhe ministri i Punëve të Jashtme Nikolla Dimitrov, në lidhje me emërimin e Gjergj Dedaj për ambasador të Kosovës në Maqedoni.
“Jemi kategorikisht kundër që një person me mentalitet fashizoid dhe primitiv të jetë ambasador në vendin tonë, i cili në çdo segment maksimalisht mundohet të promovojë multietnicitetin. Jemi të bindur se pranimi i një personi të tillë si ambasador në Maqedoni, do të rezultojë negativisht në marrëdhëniet multietnike, por edhe në miqësinë mes Maqedonisë dhe Turqisë”, theksohet në reagimin e PLT-së, transmeton Alsat M.
Gjergj Dedaj deri para disa ditëve ishte zëvendës ministër i Punëve të Jashtme i Kosovës.
Ditë më parë në Kosovë deputetët e komunitetit turk gjegjësisht ata të grupit 6 +, në takim me kryeministrin e Kosovës kishin kërkuar nga ai që zëvendësministri i atëhershëm Gjergj Dedaj të shkarkohet nga detyra e tij, për arsye të ofendimeve dhe sharjeve të cilat sipas tyre, ky i fundit i ka bërë në drejtim të shtetit turk dhe këtij komuniteti që jeton në Kosovë.
Në një postim në Facebook, Dedaj kishte shkruar se Turqia e Serbia kanë qenë sundimtarët më të egër të popullit shqiptar dhe se kanë bërë krime dhe gjenocid në këto troje.
-
Ivanov nënshkruan dekretin, Dedaj ambasador në Maqedoni
-
Gjergj Dedaj zyrtarisht emërohet Ambasador në Maqedoni, falënderon Thaçin
-
Presidenca i reagon Dedajt pasi ai e quajti Osmanin “të ashtuquajtur”
-
Presidentja Osmani e denoncon për kërcënim publik ish-ambasadorin Gjergj Dedaj
-
MPJ-ja me “masë sekrete” ndaj ambasadorit jodiplomatik Dedaj