Trafiku Urban paralajmëron vonesa e devijime në qarkullimin e autobusëve sonte

Trafiku Urban ka njoftuar qytetarët se sonte priten vonesa dhe devijime të përkohshme në qarkullimin e linjave të autobusëve në kryeqytet.

Sipas njoftimit, këto ndryshime vijnë si pasojë e bllokimit të disa rrugëve për shkak të ndeshjes Kosovë-Turqi.

"Njoftojmë qytetarët se, për shkak të bllokimit të disa rrugëve, gjatë mbrëmjes së sotme mund të ketë vonesa dhe devijime të përkohshme në qarkullimin e linjave të autobusëve, në përputhje me rregullimin e trafikut nga organet e rendit", thuhet në njoftim. 

Policia njoftoi më herët se me qëllim të lëvizjes së delegacioneve, lehtësimit në qarkullim dhe zhvillimit të ndeshjes, do të këtë bllokime të përkohshme të rrugëve: lokale dhe Nacionale si në vijim rrugët: Tring Ismajli, Agim Ramadani, Eqrem Çabej, Semaforat kryesore, Bulevardi Bill Clinton, Rrethi te Stacioni i Autobusëve, Rruga Hekurudhat, Rruga Tirana (drejt stadiumit), ndërsa gjatë Largimi nga stadiumi drejt aeroportit: Rruga Tirana, Arbëria, rr. Ahmet Krasniqi dhe Autostrada (drejt aeroportit). Rrugë të tjera kanë kufizime të përkohshme në Perimetrin rreth stadiumit, rr. Luan Haradinaj (deri te Ministria e Drejtësisë) dhe rr. Fehmi Agani.