Thaçi e Hoti: Enver Zymberi dha jetën në mbrojtje të integritetit territorial të Kosovës

Presidenti i Kosovës, Hashim Thaçi dhe kryeministri Avdullah Hoti kanë marrë pjesë të dielen në ceremoninë përkujtimore për Enver Zymberin, zyrtarin e lartë policor që u vra nëntë vjet më parë.

Ata kanë thënë se Zymberi vdiq në mbrojtje të integritetit territorial të Kosoëvs.

“Sot bëjmë nderimin më të lartë shtetëror për heroin e kombit Enver Zymberi, i cili dha jetën në mbrojtje të integritetit territorial të Republikës së Kosovës. 25 korriku i vitit 2011 shënon ditën e bashkimit të Kosovës ku njësitë tona speciale bënë veprimin më të duhur të mundshëm, veprimin kushtetues dhe ligjor në mbrojtje të integritetit territorial të vendit për të vu në kontroll gjithë territorin e shtetit tonë, andaj sot të gjithë jemi të bashkuar për të kujtuar këtë veprim kushtetues e ligjor”, ka thënë Thaçi.

Edhe Hoti ka bërë homazhe tek lapidari i Zymberit.

“Sot bashkë me ministrat, me drejtorin e policisë dhe me oficerët bëmë nderime për zyrtarin e lartë policor, Enver Zymeri, që ra në krye të detyrës për të mbrojtur rendin kushtetues dhe integritetin territorial të vendit”, ka thënë ai.

Edhe Arbëri 26 kor 2023 Kurti kryen nderime para lapidarit për policët e rënë në detyrë

Enver Zymberi, u vra me 26 korrik të 2011-s në Leposaviq, gjatë aksionit për të shtrirë kontrollin e Kosovës në pjesën veriore të vendit.